شاعیر: کەماڵ ڕەحمانی زەنگیاوەیی
کتێب: چرای خەیاڵ
سەرناو: سەردەمی مناڵی
لەبارەی شیعر: ١٣٩٦/٠٣/٢٠ کـ. هـ

مناڵ بووم لەگەڵ بابم چوومەدەر
لەناو ڕەوەزێ دەنگێ هاتەدەر

ئەحمەدڕاوکەرە ئەو دەنگە فەرمووی
مرۆ زۆر خۆشە بیرەوەری زووی

ئێستاش ئەو دەنگە هەر دێ لە بن گوێم
پەندێکە نابێ بیخەمە پشت گوێم؛ 

نابێ لە سرووشت قەت وەدوور کەوم
بێ ئەو لانکە چۆن خۆش دەبێ خەوم؟ ! 

ئای چەندە خۆش بوو دەمی مناڵی
دە دەمەدا بێ فکر و خەیاڵی